ژماره 125
لاپهڕهکان
 |
 |
ژماره 38
|
|
وهسیهتا شێخ سهعیدێ نورهسی بو گهلێ کورد
29 / 7 / 2010
ردوان گولی / سوید
زانایێ کوردێ ناڤدار وبهرنیاس شێخ سهعیدێ نورهسی ل گوندێ نورهس
ل باکورێ کوردستانێ هاتیه سهر دونیایێ لسالا 1876 ، ههر ل قوناغا زاروکینیێ دا وهسا خویا دبیت ئهڤه کهسهکێ بههرهمهنده وخودان ژیرهکێ تیژه وبلیمهته ، دهمێ گههشتی قوناغا گهنجینیێ 90 پهرتووک ههمی ژبهرکرن ، لسالا 1897 دجیته باژێرێ وانێ ولڤی باژێری ئاکنجی دبیت ، گهلهک زانستێن نوی وهرگرتن وبکیراتی دجیت ناڤ زانستێن فیزیائێ ، کیمیائێ ، دیروکێ ، بیرکاریێ ، فهلسهفێ ، جوگرافیێ ، ژبهر زیرکاتیا وی دبێژنێ بدیع الزمان . لسالا1907 بسهرهدانهکێ دجیته باژێرێ ئیستانبولێ وپروژهکێ پێشکێسی سولتان عبدالحهمیدی کر ژبو ڤهکرنا زانکویهکا ئیسلامی وهکی زانکویا ئهزهرێ ل وهلاتێ مسرێ بناڤێ خاندنگهها (زههراء) بهێته ڤهکرن وتێدا ههمی زانست بهێن خاندن وب زمانێ عهرهبی وتورکی وکوردی ، پشتی کوماری تورکی هاتیه دامهزراندن تووشی گهلهک ئهشکهنجهدانێ وسیندانکرنێ ودویرئێخستنێ دبیت لسهر دهستێ ههمی حکومهتێن لدویڤ ئێک هاتین سهر دهست ههلاتێ ،
لسالا 1960 ل باژێرێ وانێ مهلا سهعید نورهسی دجیت بهر دلوڤانیا خودێ مهزن پشتی 4 ههیڤان هاتیه ڤهشارتن دناڤ گورستانێ دا لهشکهری تورکی گورێ وی ئینات دهرێ وبره جههکێ نهدیار دا نهبیت سومبولهک وخهلک بجیت سهرهدانێ وی بکهن . پتر ژ 130 نامان نڤێسینه بناڤێ رسائل النور بزمانێ عهرهبی وتورکی
بابێ وی ئهڤ زاروکه ههبین ( دریة ، خانم ، عبدالله ،سعيد ، محمد ، عبدالمجید ،مرجان )
دهمێ پرسیار ژ بابێ سهعید نورهسی (سوفی میرزای ) هاتیه کرن ته جهوا زاروکێن خوه خودانکرن ؟ گوت من هندهک پهز وبزن ههبین دهمێ سپێدێ من دهردئێخستن بو چهرێ ئهز دا دهڤێ وان گرێدم ههتا ژ ناڤ گوندی دهرگهتبام دێ تشتێ کهسێ نه خوم وههروهسا ئێڤارێ دهمێ دهاتم مال ههمان کریار من دووباره دکر . ئهڤه تهقوا وخودێ پهرێسییا سوفی میرزای بوو .
دهمێ پرسیار ژ دهیکا(نوریة )ێ هاتیه کرن ته جهوا زاروکێن پهروهردهکرن ؟ گوت هیج جارهکێ من شیرێ خوه نه دایه مهلا سهعیدی ئیلا ئهز بدهست نڤێژ بیم ..
ئهڤ وهسیهته بهری جهرخهکێ مهلا سهعیدێ نورهسی ئاراستهی گهلێ کورد کری یه ، ههژی یه بێژین ئهڤ وهسیهته هاتیه بهلاڤهکرن د هژمارا ئێکێ دا ژ روژناما التعاون والترقی یا کوردی لسالا 1908 ل باژێرێ ئیستانبولێ
ئهی گهلێ دورد
تفاقی هێزه .. ئێکگرتن ژیانه .. برایهتی خوشی یه دهست ههلات وحوکمکرن ئێمناهی یه
هین ههمی ئێک ودوو بگرن .. خوه ب وهریسێ ڤیانێ وخوشهویستیێ بگرن ب هێز ، ههتا هین ژ ههمی گرفتاری وئاستهنگان قورتال ورزگار بن
گوهێ خوه باش بدهن من دا ئهز بو وه بێژم
باش بزانن مه سێ گهوههر یێت ههین دڤێت ئهم بپارێزین
گهوههرێ ئێکێ:
رێبازا ئیسلامێ یه ب هزاران قوربانی وخوه گوریکرن مه ژ بو داینه بخوینا خوه یا پیروز
گهوههرێ دووێ:
مروڤایهتی یه پێدڤی یه لسهر مه برێکا پێشکێشکرنا پێداویستیێن ژیری وهزری ومێرخاسیێ ومروڤایهتیێ بهرێ خهلکی بدین خوه
گهوههرێ سیێ نهتهوایهتی یه:
نهتهوایهتی کو مه هندهک خسلهتێن تایبهت ههنه وههروهسا یێن بهری مه مال ئاڤاهی کرین ههردهم بیرهاتنێن وان وجاکی وقهنجیێت وان ماینه لدهڤ مه ، دڤێت ئهم گیانێ نهتهوایهتیێ بپارێژین ههتا گیانێ وان جانهمهرگان دگورێت وان دا دلخوش وکامهران بیت
مه گهلێ کورد سێ دوژمن یێت ههین ئهم یێن لاوازکرین
دوژمنێ ئێکێ:
ههژاری گروڤه لسهر ڤێ جهندێ ههبوونا 40 هزار کرێکاران ل باژێرێ ئیستانبولێ کورد
دوژمنێ دووێ:
نهزانین ونهخاندهواری ههر ژبهر هندێ ژ هزار کهسان ژ مه ئێک نزانیت روژنامهکێ بخوینت
دوژمنێ سیێ دوژمناتی وههڤرکی:
ئهوێن بینه ئهگهرێ هندابینا هێزا مه ، ژبهر هندێ ئهم پێدڤی پهروهردهکرنێ وئاراستهکرنێنه ، جونکه حکومهتا تورکی نهیا دادپهروهرانهیه ستهم وزوری ل مه کرن ، دهمێ هین ڤێ جهندێ دزانن ، ئاگههدار بن جارهسهرکرن وبن برکرنا ڤان دوژمنان
ڤان ئێشان دناڤ جڤاکێ مه دا دڤێت ئهم سێ بازنکێت ئهلماسی بکین دهستێن خوه ، پاشی دێ شێن ڤان ههر سێ دوژمنان ژ ناڤ خوه راکین ، ئهڤ ههر سێ بازنکه ئهڤهنه
بازنکێ ئێکێ:
زانین وخاندن
بازنکێ دووێ:
ئێکگرتن وخوشهویستی وکوردایهتی
بازنکێ سیێ:
ههر ئێک ژ مه ئهرکێ خوه جێبهجێ بکهت یێ لسهر ملێت وی ،ئهم وهکی بێ ئاقل وشێتان نه بین یێن پشتا خوه ب خهبات وشیانێن خهلکێ دی دلخوش دکهن
وهسیهتا دوماهیکێ
خاندن .. خاندن.. خاندن.. و ئێکگرتن .. ئێکگرتن..ئێکگرتن
مهلا سهعید
rdewan_guli@yahoo.com
خويندنهوهی بابهت: 135 جار
|
|